«Ұлттық сараптау және сертификаттау орталығы» акционерлік қоғамы («ҰлтССО» АҚ) стандарттау, метрология, өнімді сертификаттау, қызмет көрсету, менеджмент жүйелері, сынақтар, зертханааралық салыстырулар, көлік құралдарын техникалық тексеру, тауардың шығу тегін сараптау, зергерлік бұйымдарды сынау және клеймдеу саласындағы қызметтер кешенін ұсынатын, тұтынушылардың талаптарын барынша қанағаттандыруға және олардың күтулерінен асып түсуге ұмтылатын қазақстандық нарықтағы жалғыз кәсіпорын.
«Техникалық реттеу туралы» Қазақстан Республикасының Заңына сәйкес көрсетілетін қызметті тұтынушы өз қалауы бойынша сәйкестікті растау және метрология бойынша қызметтерді көрсету үшін аккредитацияның кез келген субъектісін таңдауға құқылы. Бұл нарықта бәсеке өте жоғары, монополия жоқ.
Сонымен қатар, Еуразиялық экономикалық одақ туралы шартқа сәйкес Қазақстан Республикасының аумағында Ресей мен Қырғызстанның делдалдық ұйымдары да жұмыс істейді және сәйкестікті бағалау қызметтерін ұсынады. Бұл ереже сонымен қатар «ҰлтССО» АҚ ұсынатын қызметтер нарығында бәсекелестікті күшейтеді.
«ҰлтССО» АҚ және басқа да нарық субъектілерінің қызметін бақылауды Қазақстан Республикасы Сауда және интеграция министрлігінің Техникалық реттеу және метрология комитеті және оның аумақтық бөлімшелері, сондай-ақ аккредиттеу органы – «Ұлттық аккредиттеу орталығы» РМК жүзеге асырады.
Бұл үшін компания Қазақстанның ірі әкімшілік орталықтарында орналасқан және құрылымында сәйкестікті растау (сертификаттау) органдары, стандарттау қызметтері және метрологиялық қызметтері бар филиалдарда барлық қажетті еңбек және техникалық ресурстарға ие.
Өнімдерді/қызметтерді сертификаттау бойынша тиімді жұмысты қамтамасыз ету үшін компанияда сынақ зертханалары бар. Өтініш берушілер: халықаралық талаптарға сәйкес аккредиттелген зертханалармен, тамақ өнімдерінде генетикалық түрлендірілген көздерді анықтау бойынша ПТР зертханасымен, сондай-ақ бұзбайтын сынақ зертханасымен, көлік құралдарын тексеру орталықтарымен қамтамасыз етілген.
Компанияның материалдық-техникалық базасы мемлекеттік және халықаралық нормалардың талаптарына сәйкес келеді. Сынақ және тексеру зертханалары сынақ және өлшеу нәтижелерінің дәлдігі мен дұрыстығын қамтамасыз ету үшін қажетті жабдықтармен қамтамасыз етілген.
Біздің клиенттеріміз “ҚазМұнайГаз” АҚ, “ҚазТрансОйл”, “Теңізшевройл”, “Қазақтелеком” және т.б. компаниялар болып табылады.
Компания өз қызметін берілген сәйкестік сертификаттарының және бірыңғай нысан бойынша ресімделген, тіркелген сәйкестік туралы декларациялардың бірыңғай тізілімін қалыптастыру және жүргізу тәртібі туралы ереженің талаптарына сәйкес жүзеге асыра отырып, Кеден одағының бірыңғай тізіліміне кіреді.
Он жыл бойы компания заңды және жеке тұлғаларға: Қазақ зағиптар қоғамына, балалар үйлеріне, баспаналарға көмек көрсету және дамыту үшін қоғамдық қорларға, есту қабілеті бұзылған балаларға арналған мектеп – интернатқа, мүгедектер мен жетімдерге материалдық көмек көрсете отырып, қайырымдылықпен айналысады.